Barcelona In Rashford An Ngamsang




Spain club Barcelona cun premier league club Man United hmaitlan Rashford an duh zetih thaal bazar caan ah sumpai tamzet le thlahlawh tamzet thawn lei an tum.Rashfrod hi 2020 tiang daih Man United ih contract nei lai a si ih Man United thawn contract thar thuhla ah remawknak an nei thei hrih lo.Thuthang tamzet cun contract thar thuhla ah Man United le Rashford an rem aw zikte thlang tiin an tarlang theu nan,tutiang contract thar an ngan thei hrih lo cu a si.

Man United cun Rashford cu contract thar ah zarh khat hrang £300,000 pek an tum ih kum 5 daih contract thar nganpi an tum,Asinan tutiang remawknak an tuah thei hrih lo.

Barcelona in Rashford an duhnak hi thla tawkfang a kim ve zo ih tui dinhmun ahcun Suarez aiawhtu dingih an duhbikmi a si thlang.Hlan ahcun Frankfurt hmaitlan Jovic rori an rak beisei nan,tuahcun Rashford sawn lei hmaisa an tum ih thaal bazar caan ah £100m thawn dawr an tum ih thlahlawh hrang zarh khat ah £350,000 pek an tum.

Hivek a si ahcun Man United ih dawrnak aicun Barcelona ih dawrnak a thasawn ih Rshford khal a buai phah zet zum a si.