Barcelona In Man United Sop In Champions League Semi Final An Lut




Champions league quarter final puai neta sawn hrang Barcelona in Man United an rak mikhual ih 3-0 thawn an rak sop hnu ah Champions league semi final an lut.

Barcelona XI (4-3-3 ) : Stegen ,ALba ,Pique , Lenglet, Roberto , Arthur , Busquets , Rakitic , Messi , Suarez , Coutinho.Thlehbawh : Cillessen , Semedo, Umtiti, Vidal , Alena ,Dembele,Malcom.

Man United XI (4-3-3 ) : De Gea ,Young , Smalling , Lidelof, Jones, Pogba , Fred , McTominay, Martial , Rashford , Lingard.Thehbawh :Romero , Dalot, Mata, Matic , Sanchez, Lukaku,Pereira.

FT:Barcelona 3-0 Man United (Komkhawm Barcelona 4-0 Man United )
Messi 16′ ,20′ ,Coutinho 60′

Puai an thok ih mikhual sawn in an nawr hngal bangin minute 1nak ah Rashford in remcang thazet a nei nan, khawlban te lawng a ngah.Nasa zetin mikhual sawn in an nawr peh nan , remcang tha tuah aw thei loin an um ih Inntek in an nawr ve.Minute 10nak ah Fred le Rakitic Bawhlung an cuh aw cu Rakitic a tlu ih referee in penalty a pe man lawk nan,VAR zoh a si hnu ah penalty a pe sal lo.Minute 15nak ah Young in Bawhlung a hloh cu Messi in Bawhlung a co ih a tlanpi lurlo hnu ah penalty kulh leng ihsin Inntek hrang a sit goal.Barcelona in an nawr peh ih minute 19nak ah Messi in Bawhlung a tlanpi sal ih a vorhlam ke thawn kawl a sutmi cu De Gea in a rak kaih thelh ih khawlsung ah Bawhlung a lur miarmo.Mikhual tih an nung thei nawn lo ih minute 45nak ah Inntek hrang ALba Bawhlung tuahmi cu Roberto in kawl kiangte in a rak sit nan,De Gea in a rak kham man.Cutin goal dang lut hrih lo in colh an hmang.

Caan hrek neta sawn an thok cu Inntek in an nawr hmaisa sawn thlang.Minute 46nak ah Alba ih Bawhlung tuahmi thawn Messi in sit goal dingin caantha zet a nei ih khawl a sutmi cu Young in a rak kham ngah.Mikhual in an nawr caan khalah tih an nung thei nawn lo ih Inntek sawn in tihnung zetzet in an nawr.Minute 60nak ah Alba ih Bawhlung pekmi cu Coutinho in penalty kulh leng ihsin Barcelona hrang a sit goal zurzo.Inntek in nehsawh zetin an lekpi thlangih Messi in remcang thazet a nei nan,bauhthan thawn khawl a thelh.Mikhual in nor phah caan an nei ve nan,khawl tihnung khal nei thei loin an um ih Inntek sawn in remcang tamzet an hlah.Caan cem zik zawngah Sanches in lusawh thazet a nei nan,Stegen in a rak khamsak ih goal dang a lut nawn loin 3-0 thawn caan a cem.

Hitin komkhawm ah 4-0 in Barcelona in Man United an neh ih Champions legaue semi final an lut fel a si.