BANGALI PAWL BANGLADESH AH TLAN RERO LAI

0
110

Kawlram Cozah cun Bangladesh lam ih tlantu Bangali pawl cohlan tum ih an umnak ding inn pawl an sak rero laiah Butitaung le Yatihtaung lam ihsin nitin Bangladesh lam ih tlantu an um ringring thotho lai ih tuah a thawng thawng in an tlan thotho ti a si.

Tuih tlantu pawl cun Mayyuh tlawng cu tan in gawdutara tipi kap ihsin Long thawn tlan mi an si.February ni 3 nikhat lawngah Long 4 thawn an tlan ih an zaten mi 215 an kim ti si.Tipi kap ihsin hngaktu mi 93 an um ih tuah cun midang thlengthar an um lala ti a si.Tuih hiti an tlan ciamco salnak cu in/ei harsatnak ruangah a si tiah an sim.

In/ei an harsatnak khal ram sungah lut in hnatuan a ngah loih khawsung ah le zianghman hnatuan ding a um lo ruangah a si tiah an sim.Cozah lam ihsin bomnak pek a um nan khopkham ngaingai a si lo ruangih tlan rero an si tiah hotu pakhat cun a sim.Cozah lam ih tarlang dan vek a silea liamcia January thlakhat sung lawngah Bangladesh lam ih tlantu cu an zaten 1275 an si ih February ni 4 tiangah an tlan rero lai thotho ti a si.