Aung la N Sang Ngiar Ringringtu Vaipa




Myanmar in World champion kan neihsun Aung La N sang cu Vai pakhat in online ihsin a ngiar ringring ih Aung La mipi pawl an thinheng zet thlang.

Aung La in zuk lole ca pakhat khat a thlah tinten Mrom Prakash timi mi pakhat cun a rak comment ringring ih ,”Aung La ,i ngam maw?,ka lo ngamtuk lawlaw ih nangamah lo sual dingin ka man ringring.Ziangtik caan khalah ka lo ngam,ka lo ngiar a si. Ka lo ngiarnak na cohlang ngam maw ?na duh caancaan ah i ko thei ,” a rak ting ringring.

Ahlan ahcun Aung La mipi pawl khal in an zohliam men theu nan,tucun an zohmen thei nawn lo ih Mrom Prakash cu naa zetzet in an hro ciamco theu.

Aung La mipi pawl cun,” Na ngam taktak asile,online lawng siloin a tak in ngiar aw,na umnak diktak rel aw ,” tiin an rak let sawn theu.

Mrom Prakash ih ngiarnak hi Aung La khal in a hmuh rori zum a sinan,a zohliam men theu ih ziangtin hman a let dah lo.

Tuah Aung La hi March ni 31 ih misual thlang ding a si bangin timtuahnak nasa zet a nei ringring ih Japan khalah a taikhap humhim sal rori a tum hngetzet a si.