Aung La A Ngiarnak San Relfiangtu Brandon Vera




Philippines misual thiam Brandon Vera cun One Championship Light Heavyweight taikhap hrang Aung La a ngiarnak san a relfiang.

Myanmar in leitlun huap champion kan neihmi Aung La hi One Championship ah taikhap pahnih koltu a si ih Middleweight champion taikhap hrang ngiartu a nei rero zonan Light Heavyweight champion taikhap hrang Machedo a neh hnu ah ngiartu a nei dah lo.kum khat lenglo Light Heayweight taikhap a kol khiokhi sungah Middleweight Champion taikhap cu vei 3 rori a humhim zo.Asinan,tui kum ahcun Heavyweight champion taikhap koltu Brandon Vera in Light Heavyweight champion taikhap hrang a rawn ngiar ih Aung La khal in a rak cohlang ve.

Aung La a ngiar thu ah Brandon Vera cun ,”A hmaisabik ahcun Kulhpi sungih Aung La ngiar ding kha ka phur tuk lo lawlaw.Ziangahtile,nehnak co ih a lungawi zet caan a si ruangah tibuai kha nuam ka si lo.Asinan,keikhal Aung La bangin Champion taikhap pahnih ka duh ve ruangah Light Heavyweight champion taikhap koltu Aung La ka ngiarnak san a si.

“Tokyo hi ruah lopi thleng ka si ih ka puai neta hrang Tokyo ih misual ka duh ruangah khal a si.Kulhpi sung lutih Aung La ka ngiar tikah phurnak danglam zet ka nei ih ka ti hehe thluh in ka thei.

“Champion taikhap lawm ih um Aung La cu mawi lo tuk ih ngiar ka tum lo,ziangtin ka ngiar ding,ziangtin ka cangvai ding timi cu ka rak ruat nasa ih a mawi theibik in ka ngiarmi a si,” a ti.

Tui kum October thlasung ih sual aw ding Vera le Aung La cu Light Heavyweight champion taikhap hrang nasa zetin timtuahnak an nei rero zo a si.