Apa Ronaldinho A Si Ti Rel Duh Lo




Ronaldinho fapa Joao mendes cun a pa Ronaldinho a si ti rel lo lawlaw in Brazil club pakhat Cruzeiro ah zirnak a nei.Apa cu Ronaldinho a si tiin rel sehla club tam zetin an biak le an sawm rero zum a sinan,Joao Mendes cun Ronaldinho cu apa a si thu rellang duh loin a um.

Cutin,Crureiro ah a zirnak a thehsuak ih contract nganpi ding a si thlang.Cuti contract a ngan ding cun Apa’i hmin a rel thlang a tul ih apa’i hmin an theih phah.

Cruzeiro club Director Amarildo Ribeiro cun ,”Ronaldinho fapa sikhalsehla,Mendes cun Ronaldinho fapa a si thu zohman in sim lo ih amai thiamnak rori thawn zirnak thehsuak a tum.Kum 14 mi Mendes in thiamnak nasa zet a nei ih contract kan nganpi hnu lawngah apa cu Ronaldinho a si timi kan theih phah.

“A sang tha ih alai hmaitlan tlunah hmaitlan dungih lek thei khal a si.Kum 19 a si tiang kan hnenih um dingin lungkimnak kan tuahpi ih cu ai rei khal kan hnenih lek ter vivo kan tum a si,” a ti.

Mendes cun ,” Club pakhat thawn contract pitling kan tuah thei cu ka lungawi lawlaw ih an hrang sit goal cu nuam ka tituk lawlaw.Ka pa’i hmin hmang tahrat ih lar ka tum lo ih mahte thiamnak rori thawn fehsuak ka tum a si,” a ti ve.