AMERICAN MUSLIM PA DAMSUNG THAWNGTLA DING

0
135

American ram ih State pahnih ih Bomb kamtu tuah hremnak pek a si.Hi hremnak cotu cu New Jersy State mi a si ih thu thentu cun a dam sung thawngtla dingin hremnak a pek mi a si.Hi hremnak an pek mi Rahemi ih hmaiding(Lawyer) cun thuthentu ih pek mi hremnak cu a zate ih hlipsal dingin kan dilsal ding tiah a sim.

Afghanistan ram mi tuih American sinak neitu Rahami cu Cooker pakhat le thildang thilri hmangin Bomb tuah in a kam mi a si.Cozah Lawyer le mi tampi cun hipai thil tuah mi cu nasatak in an soisel.Hipa cun a thil tuah mi ah pakhat te hman sirawknak a neih lo thu le hi a thil tuah mi ruangih hriamhma tuartu mi 30 lenglo hnen khal ah ngaithiamnak dil a tum lo ti a si.Kan dung 2016 kum September ni 17 ah rahami cun Cooker pahnih in puak thei Bomb le thilri cu phur in State pahnih ah a kam mi a si.

Rahami ih Bomb kam mi puak ruangah mi 30 lenglo in hriamhma an ngah.Hipa cu Police cu meithal thawn an kah hnuah ah an kaih mi a si ih hriamhma natak a ngah nan a thi lo kha a si.Hipai Bomb ruangah Police khal hriamhma ngah an um.Thu thentu cun hi kum 30 mi Rahami cu tihnungza milai a si tlun ah a tuah mi parah sirawknak a neih lo ruangah damsung thawngtla dingih hremnak a peknak a si.