AMERICA LE RUSSIA HUA AW SINSIN

0
151

Tulai Russia cun America ih duh lo ding zawngin a phunphun ih a cangvaih ruangah le Russia cun a neih mi Nuclear cahnak cu a ti tamter vivo ruangah America ih Ralkap lam hmunpi cun an Nuclear thazang cakter sinsin ve dingin February 2 ah theihternak an tuah ti a si.Hivek ih America ih tumtahnak ah Russia thawn an karlak remawk lonak a sosang sinsin ding ti phangtu khal an tamzet.Hi tumtahnak cu President Donald Trump kaihhruai mi Cozah in Russia ih hronak cu a nazawng ih an lehrulnak a si tiah tampi cun an soisel.

President cun N.Korea ih Nuclear control dingah Russia cu anmah bawmtu dingih a nornak khal hmuh a si.Russia ih Nuclear thuhla ngaihsak tuk hi American ralkap hmunpi Penticon ih uarcuang mi hnatuan si dingin le IS pawl ral thawhnak ihsin leitlun cakbik zuamawknak a suak mi pawl lak ih pakhat a sive.”Kan thuthup hmannak thu ah Nuclear ralthuam hman mai ding hi kan tum lo lawlaw timi khal Russia in in theih kan duh”tiah Nuclear Posture Review (NPR) tiih hmin an pek mi thusuah ahcun an tarlang.

Russia in American ih Nuclear thazang cu duhthu a sam lo ti ih an hmuhnak cu kanni khalin kan nulear thazang cakter sinsin ih tuahnak dingih sirhsan pakhat a si tiah American hotu pawl cun an ruat.Russia ih Nuclear hmannak cu khamthei dingah American cun a fate mi Atom Bomb tuah an tum thu Pentacon ih Nuclear posture Review ca ahcun hmuh a si.Russia ramdanglam zung cun American in tuvek ih tumtahnak an neih cu an demzet ih khat le khat hmaiton awknak ding lamzin ah mi a hruai ih bei an ti dong rori a si tiiah an sim.