A U Dungthlun Ih Club Suahsan A Duh Thu Relsuaktu Thorgan Hazard




Chelsea hmaitlan Eden Hazard ih naupa Thorgan Hazard cun a lek reronak German club Monchengladbach suahsan a duh thu club hotu a simthei.

Thargan hi Monchngladbach ih rinsan zetmi le an number 10 hruhtu a si ih Belgium hrang khalah lehnak hmun a co ringring zo.Tui season Bundesliga ah midang hrang sit goal dingih tuahsakmi vei 9 a nei zo ih amah khal in goal 9 a thun zo.

Player zaran zet a si ruangah Dortmund ,Atletico Madrid le Liverpool pawl cun an hnenih lek dingin an duh ih lei an duh ringring.

Thorgan ih suah a duh thu ah Club Director Eberl cun ,”Thorgan in Kan hnenih lek a tum nawn lo thu in simthei zo ih season cem veten zuamawknak thar hrang kekar a tum.2020 tiang kan hnenah contract a nei ih suah a duh cun a thuhla kan relkhawm cu a tul ding.

“Suah theinak man a neih lo ruangah tha zetin thuhla kan rel tlang dingih a man thawn player tha lei hngal lohli kan duh ve ding a si,” a ti.