A TIKCU LOAH RIALRUAH SUR

0
133

Leitlun ah thil ziangkim in anmah le tikcu an nei ticu ca siartu kan zaten kan pom ko ding.Curuangah Lorih can kan nei ih Lairawn ahcun Leileh can kan nei.Ruah le thli khal in anmah le cante ah an ra theu.Vate khal in anmah le cante ah ti an tive.Hmanseh tuitum ih rial tla cun mipi a mangbang ten nasa.Kachin ram Moekaung peng Taungni khua kiangkap ah February ni 15(Mani sun)zinglam nazi 11:30 hrawngah ruah a sur ciamco ih Rial maktak in a tla ciamco ti si.

“Tuisun zinglam nazi 11:30 hrawngah khawdur dum luihlo in a hong suak ciamco ih rinlopi in ruah a sur ciamco.Ruah lak ahcun kut zungpi tiakjtiak rial khal a tel nasa ih thlawhlai lo lak cu a var in a var miammiam si ko.Hmanseh thlawlai cin mi Lorawl pawl cu siatsuah mi ngaingai a neih theih a si lo.Hiti Rial a tlak ciamco can hi minute 25 hrawng sung a si ding”tiah Taungni khua Hanghuh cinnak va haltu Moekaung pengpi Cicinnak hotu U Sein Lwin le tuanvo neitu pawl cun an sim.