A NUPI KAILENG A RUKSAK

0
169

India ram ih Monu pakhat cun a pasal tei dil mi sumpai aiah a taksa sungih kaileng cu a pasal le a pasal nu(Ani) an laksak ruangah Police hnenah heknak a tuah thu February ni 8 ah police cun an tarlang.A liamcia kum 2 ah hinu cu a pum na ih a rilte peng an ahsak laiah a pasal ih tawlrelnak in a kaileng an laksak cih mi a si.2017 ah sibawi in an ceksak ih a kaileng pakhat a hlo taktak tiah nemhnget a si.

India dan ahcun Nunau in pasal ding hi an hawl ih mipa lam in an rak lungkim pive a sile nunau lam ih neihdan ih zirin mipa lam cun sumpai an dil.himi hi Vai pawl nunphung buainak bik le thihnak tamtertu bik khal a si.Hi nunphung hi 1961 ah dan tuah in an rak kham mi a si.Kaileng ruksak mi Monu cu a pasal in neihawknak man sumpai vei tamtuk a dil ih a pek thei lo ruangah vei tampi kutthlak khal a rak tong.

A liamcia thla malte ah Monu cu a dam loih Sikhan lam an fehpi ih Sibawi cun a cek tikah a kaileng pakhat a hloh thu theihsuak mi a si.Mina lam ih an zum lo ruangah veihnih an ceksal ih kaileng pakhat lawng a um thu nemhnget a si.Monu cun thuthang pakhat hnenah “Kan neihawknak hrang sumpai in dil mi cu ka Nu le Pa in an pek thei lo ruangah tuvek ih ka kaileng an laknak a si” tiah a sim.Police cun a kaileng laksaktu a pasal le a bawmtu Sibawi cu tuah an kai ih thubuai rittak an orhter a si.