A Fapa Thawn Sarri A Ra Luh Tikah Ziangkim A Cem Siko – Fabregas




Chelsea laitlan hlun Fabregas cun Chelsea ah contract thar ngan thei a sinan,Sarri in a fapa Jorginho a rak hruai ruangah Chelsea a suahsan phah tiin a rel.

Sarri le Jorginho hi Napoli ihsin tuan tlang an si ih Sarri in thih duh in a duh.Chelsea a luh ding zawng khalah Jorginho lei sak dingin a simthei ih an lei fel cu Kante rori khal hmundang ah lekter in Jorgino a hmang uar zet.

Fabregas cun ,”Chelsea ih ka umlai ah contract thar ngan thei ringring ka si nan,Coach thar a ra lutih a duh zetmi player, a fa vek rori ih a duhmi a hruai cih.Cutikah ka hrang puai khat lek ding hman a harsa zet ih Chelsea ka suahsan phah.Bawhlung ka duh zetih Chelsea hrang ka lek tikah ka nuam aw thei ngaingai.Asinan,puai khat te lek ding man ka hrang a harsat tuk thlang ruangah Chelsea ka rak suahsan phah a si,” a ti.

Fabregas hi Chelsea suahsan ih France club Monaco pantu a si ih table netabik ihsin 17 dinhmun ah an kaiso rero zo a si.