OLYMPIC LEKTU ZATEN SAMSUNG SMART PHONE PE DING

0
152

S.Korea cun tui an ram Pyeongchang khawpi ih an tuah mi Winter Olympic puai ih lektu hmuahhmuah hnenah US $ 1100 man Samsung Smart Phone pakhat cio laksawng ah an pek.Hiti lektu zate hnenih an peklai ah UN ih hremnak tongtu Iran lektu apwl le N.Korea lektu pawl cu pek an sive lo timi thu cu a leng nasa.

Himi thu lengvak ruangah Iran Cozah cun an ram ih S.korea palai cu ko in thuhla suhfiangnak an neih thu theih a si.Cui an suhnak thuhla ah Iran le N.Korea lektu pawl khal Samsung Mart Phone an ngahve thotho ding nan N.Korea ihsin ratu pawl cu an ram ihsin Phone S.korea ram sungih ketlut siansak an si lo men thei tiah International Olympic Committee(IOC) cun an sim.

Hi Pyeongchang ih tuah mi Olympic onnak ah UN Security Council cun N.Korea lam telve dingin siannak an pe zo.UN in khualtlawn an khampit mi N.Korea hriamhrei kaitu lubik Choe Hwi khal tuitum ah S.Korea ih ratu lakah a telve ding tiah theih a si.